Ауыл оқушыларына арналған «Мың бала» Ұлттық олимпиадасының бірінші кезеңі

#Repost @elbasy_academy
•  •  •  •  •
Ауыл оқушыларына арналған «Мың бала» Ұлттық олимпиадасының бірінші кезеңі 2021 жылдың 2 және 3 сәуірінде өтетінін қуана хабарлаймыз.
⠀Құрметті тіркелген қатысушылар, маңызды ақпаратқа назар аударыңыздар:
1. Тестілеуді 2 және 3 сәуірде Нұр-Сұлтан қ. уақыты бойынша сағат 09:00-ден 21:00-ге дейін тапсыруға болады;
2. Тестілеуді бастамас бұрын өзіңізде логин мен құпия сөз бар екеніне көз жеткізіңіз. Логин - тіркелу кезінде көрсетілген телефон нөмірі, ал құпия сөзді  тіркелу кезінде өзіңіз көрсеттіңіз. Егер құпия сөзді ұмытып қалсаңыз, "Құпия сөзді ұмыттыңыз ба?" түймесін басыңыз. Қалпына келтіру SMS хабарлама немесе электрондық пошта арқылы ғана мүмкін;
3. Тестілеуді бастамас бұрын, сізде құрылғы (смартфон, планшет, компьютер) және тұрақты интернет байланысы бар екенін анықтаңыз. Интернет-байланыстың сапасы мен құрылғылардың жарамдылығы үшін Олимпиада ұйымдастырушылары жауап бермейді. Тестілеу кезінде интернет байланыс үзілген жағдайда тестілеу аяқталады;
4. Тестілеуді бастағанға дейін жеке кабинетке кіруді ұсынамыз. Осылайша сіз логин мен құпия сөзді дұрыс енгізілуін тексеріп, жеке кабинетпен танысып, «Тестілеу» бөлімін таба аласыз;
5. Сұрақтарға мұқият жауап беруіңізді сұраймыз. Өйткені алдыңғы сұраққа оралуға және қандай да бір өзгеріс енгізу мүмкіндігі болмайды;
6. Қандай да бір санаттарға жататын қатысушылар үшін артықшылықтар көзделмегеніне назар аударамыз. Сондай-ақ, қайта тапсыру немесе апелляция көзделмеген.
7. Тестілеу нәтижелері тестілеу аяқталған сәттен бастап 14 күнтізбелік күн ішінде жарияланады.
⠀Тестілеуде сәттілік тілейміз!